Енді кітапхана оқырмандарын компьютерлік сауаттылыққа тегін үйретеді

Жетісу облысының С.Сейфуллин атындағы орталық кітапханасы оқырмандарын компьютерлік сауаттылыққа тегін үйретеді, деп хабарлайды BAQ.KZ облыс әкімдігінің баспасөз қызметіне сілтеме жасап.

Жетісу облысының С.Сейфуллин атындағы орталық кітапханасы өз оқырмандарына «Компьютерлік сауаттылық» үйірмесін ашты. Бұл үйірмеден Microsoft Word, Microsoft PowerPoint, MS Excel - сияқты бағдарламаларды қолдануды, сандық кестелермен, интернетпен жұмыс істеуді (электронды пошта, мәлімет іздеу, видео іздеу, көшіру) тегін үйренуге болады. Үйірме жұмысы әсіресе егде жастағы оқырмандарға бағытталып отыр.

Үйірме аптаның әр жұмасында сағат 16.00-17.00 аралығында өтеді.

Өтетін орны: Талдықорған қаласы, Н.Назарбаев даңғылы 91/99, Жетісу облысының С.Сейфуллин атындағы орталық кітапханасы.

Үйірмеге жазылу үшін 8 702 577 74 43 байланыс телефонына хабарласуға болады.