Емделмейтін анатомиялық кемістік болған кезде мүгедектікті жылда растау қажет пе?

Нұр-Сұлтан, BAQ.KZ. ҚР Еңбек және халықты әлеуметтік қорғау министрлігі анатомиялық кемістіктері бар мүгедек адамдарға қандай жағдайларда қайта куәландырудан өту қажеттігі туралы хабардар етеді.

Ведомствоның баспасөз қызметі хабарлағандай, қолданыстағы заңнамаға сәйкес анатомиялық кемістіктер кезінде мүгедектік мерзімсіз белгіленеді (Орны толмайтын анатомиялық кемістіктердің тізбесі – Медициналық-әлеуметтік сараптама жүргізу қағидаларына 5-қосымша).

Кейбір жағдайда медициналық оңалтудан өту мақсатында мүгедектік неғұрлым ауыр топ (I және II топтар) бойынша, бірақ белгілі бір мерзімге белгіленеді.

Мысалы, аяқтың жіліншік деңгейіндегі ампутациясы кезінде мүгедектіктің III тобы мерзімсіз болады. Алайда адам денсаулығының жай-күйін ауырлататын асқынулар (табынудағы жаралар, остеофиттер және т.б.) анықталған кезде медициналық оңалту іс-шараларын жүргізу үшін 6 ай не 1 жыл мерзімге мүгедектіктің II тобы белгіленеді. Жүргізілген емдеу-оңалту іс-шараларынан кейін оң динамика кезінде мүгедектіктің III тобы мерзімсіз белгіленеді, - делінген хабарламада.

Айта кетейік, бүгінде мүгедектігі бар адамдардың жалпы саны 695,1 мың адамды құрайды, оның 72%-ына мүгедектік тобы мерзімсіз белгіленген.