Елшілік тағы 34 азаматты Киевтен Польшаға алып шықты

Нұр-Сұлтан, BAQ.KZ. Қазақстанның Украина астанасындағы Елшілігі 34 азаматты Польша шекарасына алып шықты. 

Бұл туралы Украинадағы Қазақстан елшілігінің баспасөз қызметі хабарлады.

Олар сол елден Қазақстанға арнайы рейспен қайтады. 

Еске салсақ, бүгін таңертең Украинадағы Қазақстан азаматтарын әкелуге 179 орындық ұшақ Польшаға аттанған болатын.

СІМ баспасөз қызметінің басшысы Ерлан Жетібаевтың хабарлауынша, түске дейін Украина-Польша шекарасынан 241 адам өткен.