Елорданың 700-ден астам медициналық қызметкері коронавиурсқа қарсы екпе салдыртты

Нұр-Сұлтан, BAQ.KZ. Елордада 1 ақпаннан бастап бүгінге дейін 719 адам вирусқа қарсы екпе алды, яғни вакцинациялаудың 78,5% қамтылды. 

Бұл туралы Нұр-Сұлтан қаласының Қоғамдық денсаулық сақтау басқармасының басшысы Тимур Мұратов орталық коммуникациялар қызметіндегі брифингте мәлім етті, деп хабарлайды қала әкімдігінің ресми сайты. 

Басқарма басшысы вакцинацияның алғашқы кезеңінде вирусты жұқтырып алу қаупі жоғары тобына жататын медицина қызметкерлері, яғни жұқпалы аурулар ауруханалары, жедел-жәрдем қызметкерлері, алғашқы медициналық көмек көрсету ұйымдары, көпсалалы ауруханалардың қабылдау бөлімдерінің қызметкерлері вирусқа қарсы екпе алғанын мәлімдеді.