Елордалық өрт сөндірушілер жанып жатқан пәтерден адамды құтқарды

Оқиға 25 шілде сағат 15:55-те Астана қаласында болған, деп хабарлайды BAQ.KZ.

ТЖД Өрт сөндіру бөлімшелері Байтұрсынов көшесінде пәтер өртеніп жатқаны туралы келіп түседі. 6 минуттан кейін шақыру орнына кезекші қарауыл келді. Онда 30 ш.м. аумақта үй жиһаздары, заттар жанып жатқаны анықталды.

Өрт сөндірушілердің күшімен өрт 16.28-де оқшауланып, 16.44-те сөндірілді.

Өртті сөндіру барысында елордалық өрт сөндірушілер жанып жатқан пәтерден 1996 ж.т.пәтер иесі ер адамды құтқарды.

Өртті сөндіруге Астана қ. ТЖД жеке құрамның 22 адамы және 4 бірлік техникасы жұмылдырылды.