Елордалық мәслихат депутаттары "Жанұя" орталығының жұмысымен танысты

Нұр-Сұлтан, BAQ.KZ. Бүгін қалалық мәслихат депутаттары "Жанұя" отбасы институтын қолдау орталығының жұмысымен танысты. Ашылған уақыттан бері 6042 мәселе бойынша 3666 адам орталықтың көмегіне жүгінді, деп хабарлады елорда әкімдігінің ресми сайты.

Орталық тұрғындарға бір терезе қағидасы бойынша заңгерлік, психологиялық, әлеуметтік кеңес пен көмек көрсетеді. Сондай-ақ депутаттарға елордалық көп балалы аналарға жаңадан өз ісін бастап, табыс табуға үйрететін "Кәсіпкер ана" орталығының жұмысы туралы ақпарат берілді.

"Ашылған уақыттан бері бүгінгі күнге дейін 6042 мәселе бойынша 3666 адам орталықтың көмегіне жүгінді. Орталыққа келетін өтініштердің көбі атаулы әлеуметтік көмек, баспана, несие борышын өтеу мәселелеріне қатысты.  6042 өтініштің 4861 бойынша жүйелі консультация берілді: АӘК есептеу жүргізіліп, құжаттарды жаңарту, кезекке қою, мемлекеттік бағдарламаларға қатысу ережесі түсіндірілді, несиелік борышын өтеу, бизнес ашу, көше саудасы, алимент борышын өндіру бойынша заңгерлік кеңес, көші-қон, заңсыз күреу, ажырасу және т.б",- делінген таратылған ақпаратта.

Сондай-ақ 1180 мәселе бойынша шешім қабылданды.  Оның ішінде атаулы әлеуметтік көмекті тағайындау, жұмысқа тұрғызу, қысқа мерзімді курстарда оқыту. Бұған қоса, "Жанұя" орталығы қызметі  шеңберінде білім беру, денсаулық сақтау бойынша және (емхана тіркеу, дәрігердің қабылдауына жазу), психологиялық көмек көрсетілді. Орталық базасында 157 іс-шара өткізіліп, ол 4500 адамды қамтыды. Мұнда қала әкімі, оның орынбасарлары, аудан әкімдері мен басқарма басшылары тұрақты түрде жеке кездесу өткізіп, халықпен жұмыс істейді. Әр апта сайын ата-аналар, оқушылар мен мүмкіндігі шектеулі балаларға арғанған психологиялық және мотивациялық тренингтер өтіп тұрады.