Елордада жылу беру маусымына дайындық барысы қалай?
Нұр-Сұлтан, BAQ.KZ. Елордада жылу кешендері, тұрғын үй-коммуналдық шаруашылық, білім, мәдениет және денсаулық сақтау нысандарын жылу беру маусымына дайындау бекітілген жоспар бойынша жалғасуда, деп хабарлады әкімдіктің ресми сайты.
Бұл туралы брифингте Нұр-Сұлтан қалалық отын-энергетикалық кешені және коммуналдық шаруашылық басқармасы басшысының орынбасары Бағдат Байсадықов мәлімдеді.
Оның айтуынша, қаладағы жылу электр станцияларындағы жөндеу жұмыстары 85 пайызға аяқталған. ЖЭО-1 дайындығы 80% деп бағаланады.
Нысанда жұмыс жалғасуда. №4 су жылыту қазандығы, №3 турбогенератор, қазандық-турбиналық цехтың қосалқы жабдықтары, отын-көлік, химия және электр жабдықтарына арналған қондырғылар күрделі жөндеуден өтуде, – деді Бағдат Байсадықов.
ЖЭО-2 80% пайдалануға дайын. «Астана энергия» аудандық қазандықтарының дайындығы 95%. Станциялар стандартты 20 тәуліктік жанармай қорын жинады.
Көмір қоры 427 076 тонна, оның ішінде ЖЭО-1 –103 4999 тонна (белгіленген норма – 42 424 тонна); ЖЭО-2 – 323,577 тонна (белгіленген норма – 203 660 тонна) мөлшерінде.
Орталықтандырылған жылу жүйесіндегі жылу желілерінің қолжетімділігі 94%-ды құрайды. Жалпы ұзындығы 1150 метр магистральдық жылу желіcіне күрделі жөндеу жүргізілуде. Жалпы ұзындығы 4700 метр болатын жылу тарату желілеріне ағымдағы жөндеу жүргізілуде. Жылу оқшаулауды қамтамасыз ететін 966 шаршы метр желіні қалпына келтіру бойынша жұмыстар аяқталды, – деді басқарма басшысының орынбасары.
Қаладағы электр желілерінің қол жетімділігі – 71%, сумен жабдықтау және кәріз желілері – 80%-ды құрайды.
Интернациональный, Мичурино, Железнодорожный, Промышленный, Оңтүстік-Шығыс, Көктал, Автоматика тұрғын алаптарында 2,4 км су құбырлары ауыстырылып, 47 км су құбырлары хлорланды. Сумен жабдықтау желілерінде 47 өрт гидранты, диаметрі 50-ден 500 мм-ге дейінгі 53 клапан жөнделіп, орнатылды. Дренаж жүйесіне келер болсақ, 1,2 км кәріз желілері ауыстырылды, 31 км кәріз желілері жуылып, 970 құдық жөнделді, – деп түйіндеді өкілетті орган басшысының орынбасары.
Көппәтерлі тұрғын үй қорының дайындығы 93% деп бағаланады. Атап айтқанда, 2671 үйдің 2476-сы дайын.
Денсаулық сақтау нысандарының 97%-ы дайын, білім беру – 99%, мәдениет – 86%.
Халық үшін көмір қоры да қамтамасыз етілген. Қазіргі уақытта жанармайдың жалпы көлемі 17 462 тоннаны құрайды. 1-25 тамыз аралығында қалаға 19 570 тонна көмір жеткізілді. Тұрғындар көмір қоры мен шекті бағасы туралы ақпаратты 109 сенім телефоны арқылы біле алады.