Елордада жанған шөп жеке үйді шарпыды

Нұр-Сұлтан, BAQ.KZ. 2 мамырда сағат 12-22-де Нұр-Сұлтан қаласының ТЖД Өрт сөндіру бөлімшелері келіп түскен хабарламаға Сарыарқа ауданы, Бөгенбай даңғылы 73/1 мекенжайы бойынша шықты. 

Келген бойда құрғақ шөптің жануы және өрт  жақын маңдағы жеке үйге  таралып кеткені  анықталды. Өрттің алдын ала болжам бойынша жалпы ауданы 300 шаршы метрді құрайды, қазіргі уақытта жеке құрамнан 15 адам және 3 бірлік техника құрамында өрт сөндірушілер өртті жою бойынша жұмыс істеуде. Қаза болғандар мен зардап шеккендер жоқ, - деп хабарлады Нұр-Сұлтан қаласы ТЖД баспасөз қызметі.