Елордада қала маңына қатынайтын жаңа бағдар іске қосылды

Нұр-Сұлтан, BAQ.KZ. Нұр-Сұлтан маңындағы Жібек жолы ауылына қатынайтын жаңа №322 бағдар іске қосылды. Бұл туралы "Астана LRT" сайты жазды.

Жаңа бағдар 25 желтоқсаннан бастап қатынайды. Жібек жолы ауылы тұрғындарының көптеген өтініштері бойынша бағдардың қозғалыс сызбасына 4-шағын ауданы қосылды. Аталмыш бағдардың бастапқы аялдамасы – №2 Ақмола облыстық ауруханасы, соңғы аялдамасы - Жібек жолы ауылының 4-шағын ауданы, - делінген хабарламада.

Айта кетейік, бұған дейін қала маңындағы Жібек жолы ауылына №304 бағдардағы автобус қатынайтын. Ауыл тұрғындарының көбеюіне байланысты енді №322 бағдар іске қосылды. 

Жаңа бағдардың қозғалыс сызбасымен суретті көріп таныса аласыздар.