Елордада ұлттық өнім тауарлары таныстырылып жатыр

Нұр-Сұлтан, BAQ.KZ тілшісі. Бүгін елордада қазақстандық тауар өндірушілердің  «Ұлттық өнім» көрмесі ашылды.

Іс-шараға Премьер-министр Әлихан Смайылов, Ұлттық экономика министрі Әлібек Қуантыров, «Бәйтерек» ҰБХ» АҚ басқарма төрағасы Қанат Шарлапаев, «Даму» ФРП» АҚ басқарма төрайымы Гауһар Бурибаева қатысты.

Ulttyq Onim-ге арналған көрме мамырдың 20-22 аралығында ұйымдастырылмақ.

Бүгін отандық өндірушлердің Ulttyq Ónim VI көрмесі өтіп жатыр.  Көрменің ауқымы жыл сайын кеңейіп келеді. Мемлекеттік қолдаудың арқасында жаңа өнімдер мен кәсіп түрлерінің саны көбеюде. Биыл көрмеге 350 отандық компания қатысып жатыр . Бүгінгі таңда «Даму» қоры 2010 жылдан бері 160 мыңға жуық жобаға қолдау білдірді.  Оның негізгі үлесіне тоқталсақ,  92 пайызға жуығы микро және шағын бизнесті қамтыды. Жалпы, 2020 жылдан бастап біздің қолдауымыз негізінен микро және шағын кәсіпорындарға бағытталып келеді. Біз «Ұлттық өнім» көрмесі оң мультипликативті нәтиже беріп, ШОБ-тың одан әрі дамуына жаңа серпін береді деп ойлаймыз, - деді   «Даму» кәсіпкерлікті дамыту қоры» АҚ басқарма төрайымы Гауһар Бөрібаева.

Дамыту қорының төрайымының айтуынша, алдағы уақытта ұлттық өндірушілер өнімі тек елімізді емес шетелге жеткізуді де қамтамасыз етпек.

«Ұлттық өнім» көрмесі  - қазақстандық кәсіпкерлердің шетелдік серіктестермен және инвесторлармен кездесуіне арналған алаң. 

Іс-шарада кәсіпкерлер үшін франчайзингтік компаниялардың форумы мен түрлі шеберлік сабақтары ұйымдастырылды. Сондай-ақ белгілі кәсіпкерлер өз білім, әжірибелерімен бөлісті.