Елордада шорт-тректен Қазақстан чемпионаты өтеді

Астанада шорт-тректен Қазақстан чемпионаты өтеді, деп хабарлайды BAQ.KZ.

Бұл туралы Ұлттық олимпиада комитеті мәлім етті.

Белгілі болғандай, турнир 1-5 қазан аралығында ұйымдастырылады.

Республикалық турнир арқылы алдағы халықаралық жарыстарға, жаңа маусымға қатысатын құрам жасақталады.

Алғашқы екі әлемдік дода 26-27 қазан күндері өтеді. Канаданың Монреаль қаласы World Tour сериясындағы турнирлерді бастайды деп жоспарланып отыр.