Елордада сауда желілеріне азық-түлік сатып алу үшін бөлінетін сома көбейеді

Нұр-Сұлтан, BAQ.KZ. Алтай Көлгінов бірқатар ірі сауда желісінің басшыларымен кездесті. Келесі жылдан бастап, сауда желілеріне «айналым механизмі» бойынша бөлінетін сома көбейетін болады. 

Бұл туралы қала әкімі Іnstagram-дағы парақшасында бөлісті. 

Азық-түлік қауіпсіздігі мәселесі – басты назарда. Біз әлеуметтік маңыздағы азық-түліктің бағасын тұрақтандыру үшін бірқатар шараны жүзеге асырдық. Сауда желілеріне «айналым механизмі» бойынша бөлінетін соманы 13 еседен астам - 180 млн теңгеден 2,4 млрд теңгеге дейін өсірдік. Бұл әрекетіміз әлеуметтік маңызды тауарлардың 16 түріне ұстап тұруға мүмкіндік берді. Сонымен бірге, сатып алуды ұлғайттық және бағаны тұрақтандыруға қатысатын сауда желілерінің санын 4-тен 12-ге көбейттік. Олар: Магнум, Астықжан, Кенмарт, Вкусмарт, А2, Метро, Анвар, Рахмет, Ақмол, Смолл, «Астаналық» базары, Шапағат, - деп жазды қала басшысы.

Сонымен бірге, шаруа қожалықтарымен қосымша - 704 млн теңгеге 5 мың тонна көкөніс сатып алуға форвардтық келісім жасалды.

Сонымен бірге, шаруа қожалықтарымен қосымша - 704 млн теңгеге 5 мың тонна көкөніс сатып алуға форвардтық келісім жасадық. Нан өнімдеріне бағаны тұрақтандыруға жергілікті наубайханаларға 600 млн теңгеде аса қаржы бөлдік. Бұл шаралар әлеуметтік маңыздағы азық-түлік тауарларына бағаны ұстап тұруға кәдімгідей көмектесті. Бірқатар ірі сауда желісі мен тауар өндірушілердің басшылығымен кездесу кезінде осындай әріптестікті әрі қарай жалғастыру жағын талқыладық. Сауда желілеріне «айналым механизмі» бойынша бөлінетін соманы 2021 жылдан бастап ұлғайтуды тапсырдым. Елордада барлығы 7 логистикалық кешен бар, 4 көтерме-тарату орталығының құрылысы жүріп жатыр (үшеуі - жеке инвесторлардың есебінен). Инвесторлар сонымен бірге - жылыжайлар, азық-түлік базарларын, көкөніс қоймаларын, сүт зауытын және т.б. нысандарды салу жөніндегі жеке жобаларды қолдап отыр. Бұл шаралар да азық-түлік қауіпсіздігін нығайта түсіп, нарықты жергілікті тауарлармен толтыруға мұрындық болады, – деп жазды Алтай Көлгінов.