Елордада мектептен 197 млн теңге жымқырғандар ұсталды

Елорда мектептерінің бірінде есепші мен шаруашылық қызметкері 7 жыл бойы мемлекет қаражатын жымқырып келген,  деп хабарлайды BAQ.KZ «Айқын» ақпаратқа сілтеме жасап.

Олар еден жуушылардың есепшотына артық ақша аударып, кейін "қателесіп кетіппіз" деген сылтаумен өздеріне қайтарып алып отырған. Жымқырған ақшаның жалпы сомма - 197 миллион теңге.

Есепшілер 7 жылға бас бостандығынан айырылды.

Экономикалық тергеп-тексеру департаментінің ақпаратынша, жыл басынан бері осындай 22 қылмыстық іс тіркеліп, оның 9-ы сотқа жолданған.