Елордада киокушинкай-кан каратэден халықаралық турнир өтіп жатыр

Астана қаласындағы «Билайн Арена» спорт кешенінде киокушинкай-кан каратэден Kazakhstan Open-2023 халықаралық турнирі өтіп жатыр,деп хабарлайды BAQ.KZ елорда әкімдігінің ресми сайтына сілтеме жасап.

Бәсекеге еліміздің өңірлерінен және жақын шетелдерден 450-ден астам спортшы бақ сынауда.

Қатысушылар балалар мен жасөспірімдер және ересектер арасында сынға түсіп жатыр.

Айта кетейік, турнир сегізінші кюден төмен емес спортшылар арасында кумитенің жас топтары мен салмақ категориялары бойынша өтіп жатыр.