Елордада Кенесары көшесіндегі учаскеде жөндеу жұмысы жүргізіледі

Астана қаласы ПД әкімшілік полиция басқармасының келісімі бойынша жол қозғалысының қауіпсіздігін қамтамасыз ету мақсатында М.Ғабдуллин көшесінен бастап Республика даңғылына дейінгі учаскедегі Кенесары көшесінде жол төсеміне орташа жөндеу жұмысы жүргізіледі, деп хабарлайды BAQ.KZ Астана әкімдігінің баспасөз қызметіне сілтеме жасап.

Осыған байланысты 5-6 шілде күндері жоғарыда аталған учаскеде көлік қозғалысы толығымен жабылатын болады.

Елорда тұрғындары мен қонақтары қала жолдарында кептеліс тудырмас үшін қозғалыс бағытын алдын ала жоспарлауы қажет.