Елордада көше тазалауға 564 арнайы техника жұмылдырылды

Нұр-Сұлтан, BAQ.KZ. Елорданың барлық ауданын қардан тазарту, көктайғақтың алдын алу үшін құм-тұз қоспасын себу жұмыстары жүргізіліп жатыр. Оған барлығы 564 техника мен 1800-ден астам адам жұмылдырылды, деп хабарлады елорда әкімдігінің ресми сайты.

Қаланы санитарлық тазалауға 564 бірлік арнайы техника жұмылдырылып, оның ішінде 163-і күшейтілген режімге көшуге әзір отыр. Қала аудандарындағы көрсеткіш мынадай: "Алматы" ауданы – 129 бірлік техника мен 430 жол жұмысшысы. Оның ішінде "күту режіміне" көшуге 14 техника дайын отыр. "Байқоңыр" ауданы – 90 бірлік пен 360 жол жұмысшысы. Оның ішінде "күту режімінде" арнайы 30 машина дайын отыр. "Есіл" ауданы – 187 бірлік техника мен 543 жол жұмысшысы. Оның ішінде "күту режімінде" арнайы 78 бірлік машина бар. "Сарыарқа" ауданы – 158 бірлік пен 491 жол жұмысшысы. Оның ішінде "күту режимінде" арнайы 41 бірлік техника бар, - делінген тартылған ақпаратта. 

Айта кету керек, тұрғын үй-коммуналдық мәселелер бойынша, соның ішінде қар тазалау бойынша тәулік бойы iKomek мониторинг және жедел әрекет ету орталығына 109 нөміріне қоңырау шалып хабарласуға болады.