Елордада грэпплингтен Азия чемпионаты өтіп жатыр

Елордада грэпплингтен Азия чемпионаты өтіп жатыр. Жарыс 24 маусымға дейін жалғасады, деп хабарлайды BAQ.KZ.

Спорттық додада жеті мемлекетінен келген 400-ден астам спортшы, 168 салмақ дәрежесінде бақ сынайды. Біріншіліктің алғашқы күнінің қорытындысы бойынша Қазақстан құрамасы 26 алтын, 7 күмісті еншілеп жалпы командалық есепте бірінші орында тұр.

Жаңадан дамып жатқан спорт түрі болғандықтан спортшылардың грэпплингке қатсушылары жылдан-жылға өсіп жатыр. Осымен екінші рет Азия чемпионаты өтіп жатыр. Сондықтан Астана қаласы жалпы грэпплингтің бастамасы, отаны деп айтсақ артық болмайды, - дейді Астана қаласы Грэпплинг федерациясының басшысы Тоқтар Зарубеков.