Елордада голландиялық суретшінің көрмесі ашылды

Нұр-Сұлтан, BAQ.KZ. Көрме Нью-Йорктегі егіз мұнараларды еске алуға арналады. Экспозицияда Дүниежүзілік сауда орталығында қайғылы оқиғаға дейін түсірілген фотосуреттер ұсынылған, деп хабарлайды әкімдіктің ресми сайты.

Голландиялық суретші Николь Карстенстің 11 қыркүйек оқиғасын еске алуға арналған Қазақстан астанасындағы алғашқы жеке көрмесі ашылды.

Көрмеде 2001 жылғы қыркүйек оқиғаларына дейінгі Нью-Йорктің деректі хроникасы ұсынылған. Ол Никольдің Бүкіләлемдік Сауда орталығында, оның бос кеңселерінде Нью-Йорк суретшілерінің студиялары тұрған кезде түсірген фотосуреттеріне негізделген. Суреттер алғаш рет Гаагада қайғылы оқиғадан бір жыл өткен соң көрсетілді.

Көрме Николь Карстенс стюардесса болған кезде түсірілген «Blue Notes from Thin Air» авторлық фотосуреттерімен толықтырылған. Олар «әуе жұмысшыларының» күнделікті өмір шындығын әлемдік авиакомпаниялардың жарнамалық науқанының нәтижесіне қалыптасқан бұқаралық сананың стереотиптік бейнелерсіз көрсетеді.

Никольдің Arte Povera стиліндегі кескіндеме, графика, авторлық полиграфия және инсталляциядағы тәжірибелері көрменің ашылуында Нью-Йорктің шығармашылық атмосферасына енуге көмектеседі. Көркемөнер объектілерінде суретші тұрмыстық қалдықтарды, әртүрлі қалдықтар мен тұрмыстық заттарды пайдаланады, оларды батыл түрлендіреді және мүлде басқа мағына береді.

Көрме TSE Art Destination компаниясы Нұр-Сұлтан әкімдігінің мәдениет басқармасы мен Nicole Art Sense қорының қолдауымен ұйымдастырған. Шара 11 қазанға дейін, TSE Art Destination өнер галереясында (Республика даңғылы, 33А) көрсетіледі.