Елордада газ қосу сервис орталығы ашылады

Нұр-Сұлтан, BAQ.KZ. «ҚазТрансГазАймақ» АҚ жаңа сервис орталығына Көктал-1, 2, Железнодорожный, Промышленный, Агроқалашық елді мекендерінің тұрғындары жүгіне алады.

9 қарашада «ҚазТрансГаз Аймақ» АҚ жаңа сервис орталығының ашылуы өтеді, деп хабарлайды Нұр-Сұлтан қаласы әкімдігінің ресми сайты. 

«ҚазТрансГаз Аймақ» АҚ сервис орталығынан газбен жабдықтау үшін техникалық шарттар алуға болады, сондай-ақ газ қосуға өтінімдер қабылданады. Аталған орталыққа Көктал-1, 2, Железнодорожный, Промышленный, Агроқалашық елді мекендерінің тұрғындары жүгіне алады.

Мекен жайы: Республика даңғылы, 24 үй, Парасат" БО.

Жұмыс кестесі 9:00-ден 18:30-ға дейін, үзіліс 13:00-ден 14:30-ға дейін.

Еске сала кетейік, елордада тұрғын үй алаптарында газбен жабдықтау желілерін салу жұмыстары жалғасуда. Мысалы, Железнодорожный елді мекенінде желілер арқылы газ жіберу толық қамтамасыз етілген. Газ қосатын тұтынушылар бойынша қажетті іс-шаралар жүргізілуде.

«Көктал-2» және «Промышленный» елді мекендерінде кварталішілік газбен жабдықтау желілерінің құрылысы бойынша жұмыстар аяқталды. Ішкі желілер бойынша іске қосу-жөндеу жұмыстары жасалып жатыр.

«Көктал-1» елді мекенінде газбен қамтамасыз ететін тарату желілерінің 90 пайызы салынды. Бұл жұмыстар Агрогородокта және Оңтүстік-Шығыста жүргізіледі.

Биыл 1-ЖЭО және 2-ЖЭО қазандықтары газға ауыстырылды. Газдандыру процесі үш кезеңге бөлінген, барлық тұрғын үй алаптары кезең-кезеңмен қосылатын болады. Газдандыру экологияны жақсартып және тұрғындардың денсаулығына жағымды әсер етіп қана қоймай, жеке сектор тұрғындарының өмір сүру жағдайын айтарлықтай жеңілдетеді.

Айта кету керек, газдандыру мәселесі Мемлекет басшысының бақылауында.