Елордада бір түнде жаңбырдың жарты айлық мөлшері жауды

Нұр-Сұлтан, BAQ.KZ. Қазгидромет мәліметінше, маусының 15-нен 16-на қараған түні 22 мм жаңбыр жауды, айлық мөлшер – 37 мм. Бұл айлық мөлшердің жартысынан көбі, деп хабарлады қала әкімдігінің ресми сайты.

Жауын-шашын суын сорғытуға 100-ден астам арнайы көлік жұмылдырылды, олар ассенизаторлық көліктер, мотопомпалар, су сору құралдары. 150 мың текше метрден астам су сорғытылды. Қала көшелерін су басуына жол бермеу үшін әкімдік нөсерлік кәріз құрлысы бойынша жүйелі жұмыс жүргізуде.

Мысалы, Б.Момышұлы даңғылы қаладағы проблемалы учаскенің бірі. Бұл учаскедегі су басу проблемасы биылғы жазда шешімін табады – көшеде нөсерлік кәріздің магистральдік коллекторының құрылысы жүргізілуде. Кәріздің ұзындығы шамамен 500 метр, басы Дауылпаз көшесінен басталып, Елім-ай көшесіне дейін жалғасады (Б.Момышұлы даңғылы бойында). Осылайша, аумақта жауын-шашын кезінде су басу мәселесі толығымен шешіледі, - делінген ақпаратта.

Сондай-ақ "Жастар" шағын ауданында (Тәшенов және Амман көшелерінің қиылысында) жеткізуші коллекторларды қайта жаңартуға байланысты тазарту қондырғыларының жұмысы жүргізілуде.

"Жастар" шағын ауданындағы жаңа қондырғылардың қуаты тәулігіне 42 мың текше метрден асады. Бұл жауын-шашын кәріздерінің өткізу қабілетін едәуір жақсартады. Бұл тазарту қондырғылары Тәшенов, Бараев, Уәлиханов, Иманбаев көшелері мен Республика даңғылындағы тасқын судың алдын алады.

Өйткені құрылғы жер астына орнатылып, ал үстінде гүлзар салып, шағын сәулет мүсіндері орнатылып, көгалдандыру жұмыстарын жүргізу көзделген. Құрылысты 2021 жылы аяқтау жоспарланып отыр. 2019 жылы жауын-шашын кәріздері мәселесі "Мыңжылдық" аллеясы ауданындағы екі аумақта толықтай шешілген еді.