Елордада автобус пен трактор соқтығысып қалды

Нұр-Сұлтан, BAQ.KZ. Нұр-Сұлтанда қар тазалайтын трактор мен жолаушылар автобусы соқтығысып қалды. Бұл туралы қалалық полиция департаментінің баспасөз қызметі хабарлады.

Алдын ала дерек бойынша трактор автобусқа жол бермей қойған. Бүгін таңертеңгі сағат 9:10 шамасында Пушкин көшесі мен Абылай хан даңғылының қиылысында №40 автобусқа қар тазалайтын трактор жол бермей қойған, - деді полицияда.

Сөйтіп трактор жол апатына себеп болған.

Қазір тексеру жұмыстары жүріп жатыр. Оқиға орнында полиция жұмыс істеп жатыр. Трактор солға қарай Пушкин көшесіне бұрылмақ болған, ал автобус болса, тура кетіп бара жатқан. Зардап шеккен 5 жолаушы ауруханаға жеткізілген, - делінген хабарламада.