Елордада Қарағанды облысының ауылшаруашылығы жәрмеңкесі өтеді

Нұр-Сұлтан, BAQ.KZ. 5-6 қазанда Нұр-Сұлтан қаласында Қарағанды облысының ауылшаруашылығы жәрмеңкесі өтеді, деп хабарлады елорда әкімдігінің ресми сайты.

«Хан Шатыр» сауда  ойын-сауық орталығының жанында Қарағанды облысының ауылшаруашылығы жәрмеңкесі өтеді. Жәрмеңкеге өңірдің 9 ауданы мен 4 қаласынан 80 шаруа қожалығы және қайта өңдеу кәсіпорындары өз өнімдерін ұсынады. Сауда сөрелерінде барлығы 600 тоннадан астам өнім сатылады. Оның ішінде: 100 тоннадан астам ет және ет өнімдері, 15 тонна сүт өнімдері, 360 мың дана жұмыртқа, 5 тонна балық және  16 тоннадан астам басқа да өнімдер әкелінеді.

Сонымен қатар, ауыл шаруашылығы жәрмеңкесін өткізу аясында «Бауырсақ және қымыз» фестивальдері ұймдастырылып, келушілер назарына өңірдің шығармашылық ұжымдарының концерттік бағдарламасы ұсынылады.