Елорда таксилеріне сұраныс екі есе артты

Нұр-Сұлтан, BAQ.KZ. 31 наурыздан бастап ресми таксилерге сұраныс екі есе өсті. Бүгінгі күні такси жолаушыларының орташа саны тәулігіне 6000 адамды құрайды, деп хабарлады қала әкімдігінің сайты.

Еліміздегі және елордадағы эпидемиологиялық ахуалды хабарлау кезеңінде Нұр-Сұлтан қаласы көлік қызметкерлері қауымдастығы мен Taxovichkof Astana такси қызметі және такси парктері жедел шаралар қабылдады.

Біз автопарктің барлық жүргізушілеріне қорғаныш маскалары мен қолғаптар ұсындық. Күніне екі рет көліктерді дезинфекциялау үшін 3 пункт ұйымдастырылды. Сондай-ақ дезинфекция журналдары да шығарылды. Көлік жуу қызметі тек такси машиналарына қызмет көрсету үшін ұйымдастырылды, – дейді елордалық көлік қызметкерлері қауымдастығының төрағасы Медет Құрманов.

 Оның айтуынша, такси жүргізушілері күн сайын жеке тексеруден өтеді. Ал карантин кезеңінде олар дене температурасын әр ауысымда екі рет өлшейді. Егер температура 37 градустан асса, олар жұмысқа жіберілмейді. Әрбір клиенттен кейін салон зарарсыздандырылып, таксидің іші желдендіріліп тұрады.

Сарапшылар жоғары сұранысқа қарамастан, тарифтер өзгермегенін, тіпті кейбір коэффициенттер алынып тасталғанын атап өтті.