Көлгінов құрылысы ұзаққа созылған нысандарды аралады

Нұр-Сұлтан, BAQ.KZ. Үлестік құрылыс нысандары бойынша қадамдық іс-шаралар жоспары бекітілген, деп хабарлады елорда әкімдігінің ресми сайты.

Таңертеңгілік аралау барысында Нұр-Сұлтан әкімі "Айсанам De Luxe" және "Жеті жол" нысандарының құрылыс барысымен танысты. Бұл туралы ол өзінің Инстаграм парақшасында жазды.

Құрылысы ұзаққа созылған нысанды аяқтауға мемлекет қаражат бөлді, бірақ ол қаражат қайтарымды. Инвесторлар нысанға кіруі үшін тұрғын үй кешендері рентабельді болуы, қосымша алаңның болуы маңызды. Осы мәселелерді шешу үшін инвесторларға қаражаттың қайтарылуын қамтамасыз ету және құрылысты аяқтау үшін донор ретінде қосымша учаскелер бөлеміз. Таңертеңгілік аралау барысында "Айсанам De Luxe" және "Жеті жол" нысандарының құрылыс барысымен таныстым. Бұл тұрғын үйлердің құрылысы 2013-14 жылдары басталды, үлескерлердің жалпы саны 1 мыңнан астам адам. Үлестік құрылыс нысандары бойынша қадамдық іс-шаралар жоспары бекітілді, - деді Алтай Көлгінов.