Елорда әкімі қаланы жайлы етудің жолын айтты

Нұр-Сұлтан. BAQ.KZ. Елорда әкімі Алтай Көлгінов Instagram парақшасында Нұр-Сұлтанды дамыту жөніндегі жұмыстың маңызды бағыттары және Қоғамдық кеңес мүшелерімен кездесуде қаралған мәселелер туралы жазды.

Бүгін Қоғамдық кеңес мүшелерімен кездестім. Сұрақтарға жауап беріп, елорданы дамыту бойынша бірқатар маңызды бағыттарды талқыладық. Қаланы «Нұр – Сұлтан-жайлы қала» мастер-жоспарының тұжырымдамасы аясында тұрғындардың ұсыныстарын ескере отырып дамытудамыз, – деп жазды Көлгінов.

Қала әкімінің айтуынша, ең маңызды төрт мәселені шешу керек.

Бірінші, тұрғын үй мәселесі. Өткен жылы елордада 3 млн шаршы метрден астам тұрғын үй салынды, оның 80%-ы жеке инвестициялар есебінен. Мемлекет басшысының тапсырмасына сәйкес қолжетімді тұрғын үй саны үш есеге артты. Биыл 10 мың әлеуметтік пәтер саламыз. Жеңілдікті пәтерлерді алушылар санатын кеңейттік, тұрғын үй сертификаттарының сомасын 1 млн-нан 1,5 млн теңгеге дейін ұлғайтамыз. Сондай-ақ Елбасы ұсынған «жұмыс істейтін жастар үшін жалға берілетін тұрғын үй» бағдарламасын жалғастырамыз. Екінші, әлеуметтік нысандар құрылысы. Өткен жылы 2019 жылмен салыстырғанда 2 есе көп мектеп салынды. Биыл оқушы орындарының саны 2020 жылмен салыстырғанда екі есеге артады. Ірі мектептердің құрылысына көшеміз. Сондай-ақ құрылысқа жеке инвестициялар тартамыз. Бұдан басқа, реаблитациялық орталықтар желісін, «үй маңындағы дәрігер» объектілерін және т. б. кеңейту бойынша жұмысты жалғастырамыз. Үшінші, қауіпті түрғын үй кешендерін жөндеу. Апатты ескі үйлерді сүру. Әлеуметтік үйлерді салып қана қоймай, қолданыстағы үйлерді де жөндеу қажет. Пандемияға қарамастан, 2020 жылы 50-ден астам көппәтерлі тұрғын үй кешені жөнделді. Осы жылдың басында апатты жағдайдағы ескі үйлерде тұрып келген 400 отбасы жаңа қауіпсіз пәтерлердің кілтін алды. Аталған шаралар биыл да жалғасады, – деп жазды қала әкімі.

Сондай-ақ, төртінші мәселе, қаладағы абаттандыру жұмыстарын жандандыра түсу керектігін айтты.

Қала тұрғындарының жаяу жүруіне жағдай жасау өте маңызды. Үйден шыққан кезде абаттандырылған аулалар, сондай-ақ қоғамдық кеңістіктер (саябақтар, алаңдар, бульварлар) болуы маңызды. Өткен жылы 150-ден астам аула мен 60 қоғамдық кеңістік абаттанды. Қаланың ескі бөлігіне баса назар аударылды, бос жерлер, батпақты жерлер және т. б. абаттанды. Осы жылы «жасыл» тұжырымдаманы іске асыруды жалғастырамыз: тал егу, бақшалар салу, қаланың көрікті жерлері мен мәдени объектілері аумақтарында жасыл желектердің санын ұлғайтамыз. Бұдан басқа, жүйелі негізде елді мекендерді дамытуды, жеке секторға газ тарату желілерін тартуды, жолдар, көпірлер, үлестік құрылыс объектілерін салуды, нөсер кәріздері жүйесін жаңғыртуды және т.б. жалғастыратын боламыз. Бұған дейін өткен жылдың қорытындылары мен ағымдағы жылға арналған жоспарлар төрт аудан тұрғындарымен талқыланды. Тиімді кері байланыс үшін апта сайын азаматтарды қабылдаулар өткіземіз, менің есептік кездесуім 10 ақпанда өтеді. Бізге тұрғындардың қаланы дамыту процесіне тартылуы маңызды, – деп жазды елорда әкімі.