Еліміздің жас физиктері ISPhO халықаралық ғылыми олимпиадаға қатысуда

3-11 шілде аралығында Қазақстан құрамасы ISPhO физикадан халықаралық ғылыми олимпиадада бәсекеге түседі, деп хабарлайды BAQ.KZ.

Команда құрамына еліміздің ең үздік бес оқушысы мен екі жетекші енді:

- Марғұлан Нұрсағатов — Алматы қаласы РФММ-нің түлегі;

- Әмір Пшенбаев — Астана қаласы дарынды жасөспірімдерге арналған «Білім-Инновация» лицейінің түлегі;

- Досжан Бисимби — «Мирас» халықаралық мектебінің 11-сынып оқушысы, Алматы қаласы;

- Артур Ким — Ақтөбе облыстық дарынды жасөспірімдерге арналған «Білім-Инновация» мамандандырылған лицей-интернатының түлегі;

- Илияс Қазымбек —Астана қаласы РФММ-нің түлегі.

Жетекшілері: Самат Мақсұтов – PhD докторы, CDU доценті, Назарали Айтжанов – CDU магистрі.

ISPhO – теориялық және эксперименттік кезеңдерден тұратын, екінші жыл сайынғы іс-шара. Олимпиада ағылшын тілінде өтеді. Олимпиада аяқталғаннан кейін құрама Мәскеу физика-техникалық институтында оқу-жаттығу жиындарына қатысады.