Еліміздің қай өңірлерінде құрғақшылық болады

Қазгидромет маусым айының алдын ала құрғақшылық болжамын нақтылағаннан кейін құрғақшылық болатын аймақтардың ауданы ұлғаятынын айтады, деп хабарлайды BAQ.KZ.

Атмосфералық құрғақшылық болатын өңірлер:

Қостанай облысының Амангелді және Жангелді аудандарында;

Маңғыстау облысының Маңғыстау және Қарақия аудандарында;

Батыс Қазақстан облысының Казталов, Жәнібек, Тасқала және Ақжайық аудандарында;

Ақтөбе облысының Қарғалы және Мұғалжар аудандарында;

Қарағанды облысының Шет ауданында;

Ұлытау облысының Ұлытау ауданында;

Абай облысының Аягөз және Үржар аудандарында,

Жамбыл облысының Мойынқұм ауданында;

Қызылорда облысының Қармақшы және Қазалы аудандарында.

Маусым айында бірқалыпты ылғалды жағдай Шығыс Қазақстан облысының Қатонқарағай және Күршім аудандарында, Абай облысының Бесқарағай ауданында, Алматы облысының Талғар ауданында, Қарағанды облысының Бұқар-Жырау, Осакаров аудандарында және Қарағанды қаласында, сондай-ақ Павлодар мен Ақмола облыстарының басым бөлігінде болады.

Елдің қалған бөлігінде ылғалдандыру жағдайлары осы ай үшін нормаға жуық болады деп болжанып отыр.

Болжам www.agrodata.kz қосымшасында және «Қазгидромет» РМК ресми сайтында жарияланды.