Еліміздің бірқатар өңірлерінде ауа райының қолайсыздығына байланысты жолдар жабылды

Бұл туралы Қазавтожол мәлімдеді, деп хабарлайды BAQ.KZ.

Жамбыл облысы бойынша 31 қаңтар сағат 17:00-де ауа райының бұзылуына байланысты "РФ шек. (Жайсан ө\п) – Мәртөк – Ақтөбе (солтүстік айналма жолымен) – Қарабұтақ – Қызылорда – Шымкент (солтүстік айналма жолымен) – Тараз (айналма жолымен) – Қордай – Алматы – Қорғас – ҚХР шек. (Нұр Жолы ө/п)" автожолының 143-214 шақырым аралығындағы учаскесінде (Алматы облысының шекарасынан Қордай ауылына дейін) көліктің барлық түрінің қозғалысына шектеу қойылды.

Абай облысы бойынша 31 қаңтар сағат 18:00-де ауа райының бұзылуына байланысты “Қарағанды - Аягөз - Тарбағатай - Боғас” автожолының 383-900 шақырым аралығындағы учаскесінде (Қайнар ауылынан Сәтбаев қаласына дейін) көліктің барлық түрінің қозғалысына шектеу қойылады. 
Алматы облысы бойынша  31 қаңтар сағат 18:00-де ауа райының бұзылуына байланысты “Алматы-Тараз-Шымкент-Қызылорда-Ақтөбе” автожолының 59-143 шақырым аралығындағы учаскесінде (Жаңақұрылыс ауылынан Жамбыл облысының шекарасына дейін) көліктің барлық түрінің қозғалысына шектеу қойылады.

Барлық жолдар 2025 жылдың 1 ақпанында сағат 10:00-де ашу жоспарланған.