Еліміздің бірнеше өңірінде тұман түсіп, боран соғады

Нұр-Сұлтан, BAQ.KZ. Алдағы күндері Қазақстанның бірнеше өңірінде тұман түсіп, қатты жел соғады, деп хабарлайды «Қазгидромет».

Синоптиктердің мәліметінше, 20-22 қарашада Жамбыл облысында кей жерлерде тұман, жаяу бұрқасын күтіледі. Солтүстік-шығыстан жел соғады, күші кей жерлерде 15-20 м/с күтіледі.

Таразда 20-22 қарашада кей уақытта тұман күтіледі.

20-21 қарашада Солтүстік Қазақстан облысының кей жерлерінде түнде және таңертең тұман күтіледі. Күндіз 20, тәулік бойы 21 қарашада оңтүстік-батыстан жел соғады, кей жерлерде күші 15-20 м/с күтіледі.

Петропавлда күндіз 20, түнде 21 қарашада оңтүстік-батыстан жел соғады, екпіні 15-20 м/с күтіледі.

20 қарашада Ақмола облысында кей жерлерде тұман күтіледі. Оңтүстік-батыстан жел соғады, таңертең және күндіз кей жерлерде күші 15-20 м/с.

20 қарашада Маңғыстау облысында шығыстан, оңтүстік-шығыстан жел соғады, күші кей жерлерде 15-20 м/с күтіледі.

Актауда күндіз 20 қарашада шығыстан, оңтүстік-шығыстан жел соғады, екпіні 15-20 м/с күтіледі.