Еліміздің төрт қаласында ауа сапасы нашарлайды

Нұр-Сұлтан, BAQ.KZ. Бүгін Қазақстанның төрт қаласында ауа сапасы төмендейді.

Синоптиктердің болжамы бойынша, Теміртау, Қарағанды, Нұр-Сұлтан және Шымкент қалаларында қолайсыз метеорологиялық жағдайлар ауаның ластануына ықпал етеді.

Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.