Еліміздің 7 қаласында метеожағдай нашарлауы мүмкін

Нұр-Сұлтан, BAQ.KZ. 11 қаңтар күні Қазақстанның бірнеше қаласында ауа сапасы нашарлайды. Бұл туралы "Қазгидромет" РМК-дан хабарлады. 

Синоптиктердің болжамы бойынша, 2020 жылдың 11 қаңтар күні Қарағанды, Ақтөбе, Талдықорған, Семей, Өскемен, Теміртау және Нұр-Сұлтан қалаларында ауа сапасы нашарлайды, яғни ауа ластанады. Қазақстанның өзге қалаларындағы ауа сапасы бірқалыпты.

Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.