Елімізде қанша мектеп директоры ротациядан өткені белгілі болды
Нұр-Сұлтан, BAQ.KZ тілшісі. Бұл туралы Мектепке дейінгі және орта білім комитеті төрағасының орынбасары Жомарт Қарамбаев БҒМ-ның аппарат жиналысында айтты.
Балабақшаларда 3019 меңгеруші жұмыс істейді. Оның ішінде 7 жылдан астам еңбек өтілі бар 639 адам, мемлекеттік мектептерде 6299 директор бар, оның ішінде 7 жыл еңбек өтілі бар 1246 адам бар. Өңірлердегі ақпарат бойынша 2022 жылдың өткен кезеңінде 322 балабақша меңгерушісі ротациаланды. Бұл ротацияға жататын меңгерушілердің 500 пайызын құрайды, - деді Қарамбаев.
Оның айтуынша, 1 тамызға дейін 317 балақбаша меңгерушісін ротациялау жоспарланып отыр.
2022 жылдың өткен кезеңінде 1246 мектеп директорынан 229-ы ротацияланды. Бұл ротацияға жататын мектеп директорларының 24 пайызын құрайды. 1 тамызға дейін 383 мектеп директорын ротациялау жоспарланып отыр. СҚО мен Павлодар облыстарында басшыларды ротациялау қарқыны байқалып отыр. Маусым айының соңына дейін бірде-бір басшы ротацияланбаған еді. Бүгінгі таңда Павлодар облысында 55, СҚО-да 20 басшы ротацияланды, - деді ол.