Елімізде малды чип арқылы сәйкестендіруі мүмкін

Нұр-Сұлтан, BAQ.KZ. Елімізде ветеринария жүйесін реформалау аясында осы саланы жүйелі цифрландыру жоспарлануда. Көптеген процестерді автоматтандыру ветеринарлық қызмет қызметкерлерін көп уақытты қажет ететін қағазбастылықтан құтқарады.

Бұл туралы Х Азаматтық форум барысында АШМ Ветеринарлық бақылау және қадағалау комитеті төрағасының міндетін атқарушы Бауыржан Абызбаев мәлімдеді.

Мобильдік қосымшасы бар арнайы бағдарламалық өнім әзірленетін болады, оны пайдалана отырып ауылдық округтің ветеринариялық дәрігері жануарлармен туғаннан бастап союға немесе өлуге дейін жүргізілетін барлық іс - шараларды тіркей алады және оларды электрондық ветеринариялық паспорттарға автоматты түрде енгізе отырып, цифрлық форматта орталық дерекқорға бере алады, - деді Бауыржан Абызбаев.

Ол жануарды тіркеумен, оның ел аумағы бойынша қозғалуымен байланысты барлық процестер қағаз құжаттармен бірге сандық форматта қадағаланатынын атап өтті. Бұл қайталанатын ветеринариялық анықтамаларды және дерекқорда жоқ анықтамаларды пайдалануға байланысты әртүрлі бұзушылықтарды болдырмауға мүмкіндік береді.

Тағы бір жаңалық - бұл жануарға оның өмірлік циклінің бүкіл кезеңінде адамның ЖСН-ы секілді бір ғана сәйкестендіру нөмірін беру. Бұл АЖС дерекқорындағы орын алып отырған шатасуды, сондай-ақ жоғалған биркаларды ауыстыру салдарынан жануарлар туралы деректерді бұрмалауды жоюға мүмкіндік береді. Ол үшін жануарларды тері астындағы чиптерді енгізу арқылы сәйкестендіру ұсынылады, ал құлақ тегтері сәйкестендірудің қайталанатын атрибуты болады, - деді Комитет басшысының м.а.

Ол сондай-ақ жоспарланған ветеринария жүйесін реформалау бизнес өкілдерімен және барлық мүдделі тараптармен кеңінен талқыланатынын атап өтті.