Елімізде қандай өнеркәсіп салалары өскені белгілі болды

Нұр-Сұлтан, BAQ.KZ тілшісі. Елімізде өңдеу өнеркәсібі тұрақты өсіп келеді. Бұл туралы Үкімет отырысында Ұлттық экономика министрі Әсет Ерғалиев баяндады.

Биылғы жылғы қаңтар-тамызда сыртқы сауда тауар айналымы 62,8 млрд АҚШ долларын құрап, оның ішінде экспорт бойынша көрсеткіш 37,5 млрд АҚШ долларын құрады. Ал өңделген тауарлар экспорты 23,2%-ға өсіп, 12,1 млрд АҚШ долларына дейін жетті. Тауарлар импорты 25,4 млрд АҚШ долларын құрады, - деп баяндады министр.

14 өңір бойынша оң өсу көрсеткіші тіркелді. Ең жоғарғы өсу Алматы қаласында, Алматы және Қостанай облыстарында байқалып отыр. Өңдеу өнеркәсібі салалары бойынша фармацевтикалық өнім өндіру 38,1%, машина жасау – 22,8%, оның ішінде автомобиль жасау – 31,6%, вагондар мен локомотивтер өндірісі – 50,5%, сондай-ақ құрылыс материалдары – 10,1%, пластмасса бұйымдары – 31,4%, дайын металл бұйымдары – 17,2%, киім – 14% және жиһаз – 14,9% деңгейінде серпінді өсуді көрсетіп отыр, - деп түсіндірді Әсет Ерғалиев.