Елімізде дәнді дақылдардың 70%-ы жиналды

Бүгінгі күні республиканың барлық облысы бойынша егін жинау науқаны жалғасып жатыр, деп хабарлайды BAQ.KZ.

Әкімдіктердің деректеріне сәйкес, 11,3 млн га астық жиналды - бұл жоспардың 69,8 %-ы.

12 ц/га орташа өнімділікте 13,5 млн тонна астық бастырылды (2021 жылы осы мерзімде орташа өнімділік 8,9 ц/га болатын).

Оның ішінде, майлы дақылдар 337,5 мың га алқапта жиналды. Жалпы жоспардың 10% орындалып, 220,6 мың тонна бастырылды. Сондай-ақ 66,5 мың га алқаптағы картоп жиналды, бұл жоспардың 34%. Жиналған өнім 1,4 млн тонна. 

Бұған қоса 113,1 мың гектардан 3,2 млн тонна көкөніс жиналды немесе бұл жалпы алаңның 66%-ы.