Елімізде бір апта ішінде 3 200-ге жуық қылмыс жасалды

Ішкі істер министрлігінің ресми өкілі Шұғыла Тұрлыбек еліміздегі бір апта ішіндегі криминогендік жағдай туралы баяндады, деп хабарлайды BAQ.KZ тілшісі.

Бір апта ішінде 3 165 қылмыс жасалды. Оның 1 941-і тәулік ішінде ашылды. Полиция қызметкерлері ізін суытпай 4 кісі өлтіруді, 5 өлімге әкеп соққан денсаулыққа қасақана ауыр зиян келтіруді, 2 қарақшылық, 31 тонау және 390 бөтен мүлікті ұрлау қылмыстарын ашты, - деді Тұрлыбек онлайн брифингте.