Елімізде 43 өнім түрін сатуға тыйым салынды

Елімізде 43 өнім түрін сатуға тыйым салынды. Бұл туралы тұтынушылардың құқықтарын қорғау комитеті мәлімдеді, деп хабарлайды BAQ.KZ.

«Сапалы өнім» жобасы аясында жүргізілген зерттеу 1423 түрлі азық-түлік және тұрмыстық химия өнімдерінің үлгілерін қамтыды. Тексеріс нәтижесіне сәйкес 69% жағдайда бұзушылықтар анықталды. Өнімдердің көп бөлігі таңбалау талаптарына сәйкес келмеді. Ал үлгілердің 17%-ында санитарлық-эпидемиологиялық талаптар сақталмаған болып шықты.

Қазақстанда сапасыз азық-түлік өнімдері проблемасының ауқымы бұрын болжанғаннан әлдеқайда күрделі болып шықты. «Сапалы өнім» жобасының нәтижелері өнім сапасын бақылауды күшейту және тұтынушылардың құқықтарын қорғау үшін шұғыл шаралар қабылдау қажеттігін көрсетеді. Тексерілген өнімдердің 69% астамында бұзушылықтар анықталуы жүйелік мәселе екенін көрсетеді. 224 субъектіге әкімшілік жауапкершілік шаралары қолданылды, - деп жазды ҚР Сауда және интеграция министрлігі тұтынушылардың құқықтарын қорғау комитетінің баспасөз қызметінен.