Елімізде 24 млн тоннадан астам астық бастырылды

Бүгінгі таңда негізгі дәнді дақылдар бойынша 15,8 млн га астам дәнді және бұршақты дақылдар жиналды. Орташа өнімділігі 15,2 ц/га болған жағдайда 24,1 млн тоннадан астам астық бастырылды, деп хабарлайды BAQ.KZ.

Мәселен, 12,7 млн ​​га алқаптан бидай орылып, 14,5 ц/га шығымдылықпен 18,4 млн тонна, арпа 2,1 млн га бастырылып, 17,1 ц/га өніммен 3,6 млн тонна бастырылды. , сұлы – 177 мың га, өнімділігі 16,5 ц/га, 292,2 мың тонна бастырылды.

Биылғы жылы майлы дақылдар 958,7 мың гектар алқаптан 11,1 ц/га орташа өнімділікпен 1 млн тоннадан бастырылды;

112 мың гектар алқаптан 232,5 ц/га өніммен 2,6 миллион тонна картоп жиналды; 

108,1 мың гектардан 2,9 миллион тоннадан астам көкөніс дақылдары 273,3 ц/га өніммен жиналды.

98,1 мың гектар алқаптан бақша дақылдары жиналып, өнімділігі 263,9 ц/га, жалпы өнімі 2,6 миллион тоннадан асты.

Егін жинау науқанына 149,9 мың трактор, 37,6 мың астық жинайтын комбайн, 14,9 мың жатын комбайн және 195 мың бірлік басқа да жабдықтар жұмылдырылды.

Естеріңізге сала кетейік, көктемгі егіс және егін жинау жұмыстарын жеңілдетілген қаржыландыру көлемі 580 млрд теңгені құрады, бұл өткен жылдармен салыстырғанда 3 есеге жуық артық.

Егін жинау науқанын өткізудің барлық мәселелері ерекше бақылауда.