Елге қанша қаражат қайтарылды

Мемлекет басшысы Қасым-Жомарт Тоқаевтың қабылдауында Сыбайлас жемқорлыққа қарсы іс-қимыл агенттігінің төрағасы Асхат Жұмағали елге қанша мүліктік активтер мен қаражат қайтарылғаны туралы айтты, деп хабарлайды BAQ.KZ.

Сыбайлас жемқорлыққа қарсы қызметтің былтыр атқарған жұмысының нәтижелері жөнінде есеп берді.

Өткен жылы жемқорлыққа қатысты 1692 қылмыс тіркеліп, 1324 адам әшкереленген.

Оның 161-і түрлі деңгейдегі басшылар. 1221 іс сотқа жіберілген.

2022 жылдан бері мемлекетке және квазимемлекеттік сектор субъектілеріне 1,02 триллион теңге (2,2 млрд АҚШ долларынан астам) көлемінде мүліктік активтер мен қаражат қайтарылған.