Елена Рыбакина US Open үшінші айналымында жеңіліп қалды

Қазақстанның бірінші, әлемнің төртінші ракеткасы Елена Рыбакина US Open турнирінің үшінші айналымында ойнады, деп хабарлайды BAQ.KZ.

Елена Рыбакина "Үлкен дулыға" санатындағы турнирдің үшінші айналымында хорватиялық теннисші, әлемнің 30-ракеткасы Сорана Кырстямен кездесті.

Қазақстандық теннисші 3:6, 7:6(8), 4:6 есебімен жеңілді.

Рыбакина үш сағатқа жуық созылған тартысқа толы матч кезінде үш эйс орындап, төрт қос қателік жасады. 13 брейк-пойнттың тек төртеуін сәтті пайдаланды. Осылайша, АҚШ ашық чемпионаты турнирінде Қазақстанның ешқандай өкілі қалмады.

Бұған дейін жұптық сындағы теннисшілер Анна Данилина мен Андрей Голубев турнирден шығып қалған еді.