Елбасының қауіпсіздік қызметінің бастығы тағайындалды

Нұр-Сұлтан, BAQ.KZ. Жасұлан Сәрсембай Қазақстан Республикасының Мемлекеттік күзет қызметі бастығының орынбасары – Қазақстан Республикасының Тұңғыш Президенті – Елбасының қауіпсіздік қызметінің бастығы болып ауысты.

Бұл туралы Елбасының баспасөз қызметі хабарлады.

ҚР Тұңғыш Президенті – Елбасының шешімімен Жасұлан Аманжолұлы Сәрсембай ҚР Мемлекеттік күзет қызметі бастығының орынбасары – ҚР Тұңғыш Президенті – Елбасының қауіпсіздік қызметінің бастығы болып тағайындалды, - делінген хабарламада.

Сонымен қатар Елбасының шешімімен Батырбек Бердібайұлы Байбосынов басқа жұмысқа ауысуына байланысты ҚР Мемлекеттік күзет қызметі бастығының орынбасары – ҚР Тұңғыш Президенті – Елбасының қауіпсіздік қызметінің бастығы қызметінен босатылды.