Екібастұзда трактор аударылып, жүргізушісі опат болды

Қайғылы оқиға Екібастұз қаласында болған. 59 жастағы ер азамат трактормен жұмыс істеп жүріп, аударылып кеткен, деп хабарлайды BAQ.KZ.

Polisia.kz мәліметінше, 26 ақпан күні Екібастұз қаласындағы ЖШС-ның 59 жастағы қызметкері К-700 тракторды басқара отырып, разрез аумағының ішіне түсіп бара жатып, аударылып түскен. 

Дене жарақаттарының салдарынан қызметкер оқиға орнында қайтыс болды. Сот-медициналық сараптама тағайындалды, тексеру жүргізіліп жатыр. Еңбекті қорғау қағидаларын бұзу фактісі бойынша ҚР ҚК 156-бабы 3-бөлігі бойынша сотқа дейінгі тергеп-тексеру басталды, - делінген хабарламада.