Екі өңірде автокөлік жолдарына шектеу қойылды

Бұл туралы "Қазавтожол" Телеграм каналы жазды, деп хабарлайды BAQ.KZ.

2025 жылғы 20 наурыз сағат 08:00 жағдай бойынша 2 облыстағы 2 республикалық маңызы бар автомобиль жолдарында көлік қозғалысына шектеу қойылған. 

Ақтөбе облысы: 

“Қандыағаш – Ембі – Шалқар – Ырғыз” автожолының 3-92 шақырым аралығында (Қандыағаш қаласынан Ембі қаласына дейін). Баламалы қозғалыс "Ембі – Жем – Әлібек-Мола (кен орны) – Кенқияқ – Темір" автожолы бойынша жүзеге асырылады. 

Қостанай облысы: Қазақстан мен Ресей арасындағы бейтарап территориядағы Мариновка ауылына жақын аймақта (РФ шекарасы). 

Қазіргі таңда республикалық жолдарды күтіп-ұстауға 666 арнайы техника мен 1950 маман жұмылдырылды.