Екі облыста көлік қозғалысы ашылды

"ҚазАвтоЖол" ауа райының қолайсыздығына байланысты жабылған екі облыстағы көлік қозғалысы ашылғанын жазды, деп хабарлайды BAQ.KZ.

Шығыс Қазақстан облысы:

2025 жылғы 3 ақпанда сағат 06:00-да «Алматы-Талдықорған-Өскемен-Шемонаиха-РФ шек.» автожолының 1013-1048 шақырым аралығындағы учаскесінде (Абай облысы шекарасы – Ұлан ауылы) барлық көлік түрі үшін қозғалыс ашылды.

Абай облысы:

3 ақпанда сағат 06:00-да «Алматы-Талдықорған-Өскемен-Шемонаиха-РФ шек.» автожолының 971-1013 шақырым аралығындағы учаскесінде (Қалбатау ауылы-Шығыс Қазақстан облысы шекарасы) барлық көлік түрі үшін қозғалыс ашылды.

1403 байланыс орталығына хабарласып, тәулік бойы қосымша ақпарат алуға болады.