Екі облыста ауа райына байланысты ескерту жарияланды

Алматы, BAQ.KZ. «Қазгидромет» РМК мамандары екі облыста ауа райына байланысты ескерту жариялады.

Синоптиктердің болжауынша, 22 қаңтар күні күндіз Қостанай облысының кей жерлерінде боран болып, тұман түседі. Жел оңтүстік-батыстан секундына 15-20 метр жылдамдықпен соғады.

Дауыл соғу қаупі - 90-95%. 

22 қаңтар күні Ақтөбе облысының кей жерлеріне тұман түсіп, көктайғақ болуы мүмкін. Күндіз жаяу бұрқасын болып, жел оңтүстіктен секундына 15-20 метр жылдамдықпен соғады.

 Дауыл соғу қаупі - 85-90 %.