Екі адамды ажалдан арашалап қалған тәртіп сақшысы марапатталды

Екі адамды құтқарған тәртіп сақшысы «Ерлігі үшін» төсбелгісімен марапатталды. Бұл туралы Ішкі істер министрлігінің баспасөз қызметі мәлімдеді.

«Жаса, жайна, Қазақстан!» салтанатты іс-шарасында Кентау қаласының учаскелік полиция инспекторы Есімхан Бағзатханға «Ерлігі үшін» төсбелгісі табысталды.

Полицей екі рет тұрғындарды құтқарып қалды. Пәтерде жалғыз өзі құлыптанып қалған 3 жасар бүлдіршінді 5-қабаттың балконы арқылы ішке кіріп, құтқарған.

Оған қоса 4-қабаттың терезесінен секірмек болған ер жігітті де дер кезінде ажалдан арашалап қалды.