ЕАЭО аумағында бірыңғай жұмыс іздеу жүйесі іске қосылады

Нұр-Сұлтан, BAQ.KZ. 2021 жылғы 1 шілдеден бастап Еуразиялық экономикалық одақ (ЕАЭО) аумағында жұмыс іздеудің біріздендірілген жүйесі – «Шекарасыз жұмыс» өнеркәсіптік пайдалануға берілетін болады. Бұл туралы ҚР Еңбек халықты әлеуметтік қорғау министрлігінің баспасөз қызметі хабарлады. 

«Шекарасыз жұмыс» – бұл ЕАЭО-ға мүше мемлекеттердің ақпараттық жүйелеріндегі бос жұмыс орындары мен бос жұмыс орындарын іздеушілер туралы ақпарат алуға арналған іздеу жүйесі.

Ортақ интеграциялық жүйені бір уақытта іске қосу үшін шетелдік әріптестермен бірлесіп мүше мемлекеттердің аумағында жұмыс іздеу бойынша негізгі ақпараттық жүйелер әзірленді: «Горц» армян ақпараттық жүйесі, Беларусь Республикасының Мемлекеттік жұмыспен қамту қызметінің ақпараттық порталы, қырғыздардың «Жұмыспен қамту» порталы, «Ресейдегі жұмыс» ақпараттық жүйесі және, әрине, біздің «Еңбек» порталы, – деді ҚР Еңбек және халықты әлеуметтік қорғау вице-министрі Ербол Оспанов.

Жалпы жүйе ЕАЭО-ның барлық жұмыс іздеушілері мен жұмыс берушілеріне ұлттық еңбек биржаларында жиналған, верификацияланған және жарияланған бос жұмыс орындары мен түйіндемелер бойынша жұмыс орнын немесе қызметкерлерді іздеуге мүмкіндік береді.