Димаш Құдайберген, Асхат Аймағамбетов. Халықтың сүйікті азаматтары анықталды

"Халықтың сүйіктісі – 2024" ұлттық сыйлығының номинанттары анықталды. Олардың қатарында депутат Асхат Аймағамбетов, танымал әнші Димаш Құдайберген бар, деп хабарлайды BAQ.KZ тілшісі.

Бұл сыйлық елімізде осымен 14-інші рет табысталып отыр.

Сыйлықтың 10 номинациясы бойынша жеңімпаздар дауыс беру арқылы анықталды.

Номинациялар бойынша жеңімпаздар тізімі:

• Серік Ниязов - Жылдың үздік мұғалімі.

Қызылорда облысы Қармақшы ауданының №80 мектеп-гимназиясының география пәнінің мұғалімі.

• Медет Маханбет - Жылдың үздік дәрігері.

Отоларинголог дәрігер, Қазақстанда алғаш рет ортаңғы құлаққа эндоскопиялық трансканалдық операция жасаған маман.

• Елдос Сметов - Жылдың үздік спортшысы.

Дзюдошы, Парижде өткен 2024 жылғы Олимпиада чемпионы, Рио-2016 Олимпиадасының күміс жүлдегері, 2015 жылғы әлем чемпионы.

• Мөлдір Доспаева - Жылдың үздік тележүргізушісі.

"Хабар" арнасының жаңалықтар жүргізушісі.

• Мақсат Жабағин - Жыл ғалымы.

PhD, Ұлттық биотехнология орталығының адам генетикасы зертханасының меңгерушісі (жаңа номинация).

• Майра Әбенова - Жылдың үздік қоғам қайраткері.

"Полигон 21" ҚБ атқарушы директоры.

• Асхат Аймағамбетов - Жылдың үздік парламентариі.

ҚР Мәжіліс депутаты.

• Ғазиз Әбішев - Жылдың үздік саясаттанушысы.

Телебағдарламалардың жүргізушісі, ҚР Парламентінің Қоғамдық палатасының мүшесі.

• Димаш Құдайберген - Жыл мәдениет қайраткері.

Танымал қазақстандық әнші (төртінші рет лауреат атанды).

• Ақмарал Науатбек - Жылдың үздік параспортшысы.

Дзюдошы, Парижде өткен 2024 жылғы Паралимпиада чемпионы (жаңа номинация).