DHL ұшағы Вильнюс әуежайы маңындағы тұрғын үйге құлады

DHL компаниясының жүк тасымалдаушы ұшағы Литвадағы Вильнюс әуежайы маңында апатқа ұшырады, деп хабарлайды BAQ.KZ 24kz-ке сілтеме жасап.

Соның салдарынан бір адам опат болды. Тағы үшеуі жарақат алды. Қазір оқиғаға орнында өрт сөндірушілер жұмыс істеп жатыр. Бұдан бөлек, апат аймағына полиция мен жедел жәрдем қызметкерлері де жеткен. 

Жергілікті билік өкілдерінің хабарлауынша, DHL-ге тиесілі әуе кемесі тұрғын үйге құлаған. Абырой болғанда, оның ішіндегі азаматтардың бәрі дін аман.