ҚР Денсаулық сақтау министрі ауысты
Нұр-Сұлтан, BAQ.KZ. Парламент Мәжілісінің Әлеуметтік-мәдени даму комитеті Денсаулық сақтау министрі лауазымына тағайындау үшін Алексей Цойдың кандидатурасын қолдады. Бұл туралы Мәжілістің баспасөз қызметі хабарлады.
Сонымен қатар, А.В. Цойды Қазақстан Республикасының Денсаулық сақтау министрі қызметіне тағайындау туралыҚазақстан Республикасы Президентінің жарлығы да шықты.Бұл мәселе "Қазақстан Республикасының Парламенті және оның депутаттарының мәртебесі туралы" Конституциялық заңның 22-1-бабына сәйкес қаралды. Мәжілістің Әлеуметтік-мәдени даму комитеті Қазақстан Республикасының Денсаулық сақтау министрі лауазымына тағайындау үшін Алексей Владимирович Цойдың кандидатурасын ұсынылуы мүмкін екендігі туралы қорытынды қабылдады.
Ал Мемлекет Басшысының Жарлығымен Елжан Амантайұлы Біртанов Қазақстан Республикасының Денсаулық сақтау министрі қызметінен босатылды.Алексей Владимирович Цой Қазақстан Республикасының Денсаулық сақтау министрі болып тағайындалсын - делінген Президент жарлығында.
Естеріңізге сала кетейік, жақында ғана Асқар Мамин Алекцей Цойды ҚР Денсаулық сақтау вице-министрі ретінде таныстырған болатын. Ал бұған дейін Денсаулық сақтау министрі болған Елжан Біртановтың коронавирус індетін жұқтырғаны туралы хабарланған болатын.